သက်တန့်ရောင်ကို မြင်ယောင်မိတဲ့
အတိက်တစ္ဆေလို့ အရိပ်ခြေတွေ
အထပ်ထပ်နဲ့ လောဘထင်ဟက်ခဲ့
ဒေါသတသွင်သွင် စီးဆင်းနေသော
မောဟမြစ်ပြင်ထဲ အတ္တလှေကို
မောင်းနှင်နေဆဲ ငါ့လက်ထဲက
သောကတပ်မ အလေးချိန်ဟာ
ထောင့်ငါးရာအချစ် ပရိဒေဝရဲ့
တဏှာ၏ လက်သမားအဖြစ်
သရုပ်ဆောင်ရင်း ဘဝလည်းဆုံး
နိဂုံးလည်းမလှ တသသနဲ့
လူ့ဘဝဇာတ်ခုံမြင့်မှာ ကန့်လန့်ကာကိုဖွင့်
ရောင်စုံမီးများကြား တစ်ခန်းရပ်ပြဇာတ်
ကြော်ငြာထည့်လို့ အဆုံးသတ်တော့မှာလား..။
တက္ကသိုလ်မြတ်မင်း
0 comments:
Post a Comment