မာတာ ယတာ နိယံပုတ္တ၊ မာယုသာ ဧကပုတ္တ' မနုရက္ခေ။ ဧ၀မ္ပိ သဗ္ဗဘူတေသု၊ မာနသံ ဘာဝယေ အပရိမာဏံ။ ဟူသော မြတ်ဗုဒ္ဓ ဟောကြားတော်မူအပ် ပါဠိတော်ကို ထောက်၍ ကြည့်မည်ဆိုလျှင် အမေဟူသော ဂုဏ်ပုဒ်ကို ပြောပြနိုင်းစွမ်း မရှိလောက်အောင်ပင် ဖြစ်သည်။ အမေဟူသည် သားသ္မီးတွေကို အာယုသ သမံကတွာ အသက်ရင်းနှီးပြီး ချစ်မြတ်နိုးခဲ့သည်။ ဘ၀ဿ သမံကတွာ ဘ၀နဲ့ ရင်းနှီးပြီးလည်း ချစ်မြတ်နိုးခဲ့သည်။ ဟဒယဿ သမံကတွာ နှလုံးသားနဲ့ ရင်းနှီးပြီး ချစ်မြတ်ခဲ့တာသည် အမေ ဟု ခေါ်သည်။ အမေမေတ္တာသည်ပင် အပရိမာဏ မေတ္တာမျိုးဖြင့် တနည်းပြောရလျှင် အတိုင်းအတာ ပမာဏ မရှိသော မေတ္တာမျိုးဖြင့် သားသ္မီးတွေအပေါ် ချစ်မြတ်နိုးခဲ့ကြသည်။ ထို့အပြင် ကမ္ဘာပေါ်ရှိကြသော အမေဟု ခေါ်အပ်သော ပုဂ္ဂိုလ်တိုင်းသည် အပရိမာဏ မေတ္တာမျိုးဖြင့် သားသ္မီးတွေကို မြတ်နိုး ကြင်နာလျက် ဗြဟ္မာစိုရ် ရင်ခွင်မှာ ထိုသားသ္မီးတွေ မညောင်းသောလက်တို့ဖြင့် လွဲခက်ကာ မှေးစက်အိပ်ပျော်စေခဲ့သည်။ မည်သို့သော တိုင်းပြည်မှ မိခင်၊ မည်သို့သော နိုင်ငံမှ မိခင်၊ မည်သို့ သတ္တ၀ါတို့၏ မိခင်၊ မည်သို့သော ချမ်းသာသောအသိုင်းဝိုင်းမှ မိခင်၊ မည်သို့သော ဆင်းရဲမွဲတေသော မိခင်၊ မည်သို့သော တိရိစ္ဆာန်တို့၏ မိခင် ဟူ၍ ခွဲခြားခြင်းမရှိသော မေတ္တာမျိုးဖြင့် မိခင်တိုင်း အမေတိုင်းက ချစ်မြတ်ကြသည်မှာ အမှန်ပင်ဖြစ်ပေသည်။ မိခင်တို့ ဘ၀သည်လည်း လွယ်ကူသော ဘ၀မဟုတ်ချေ။